| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

台語文學標準化的進行式

Page history last edited by pektiong 12 years, 9 months ago

 

台語文學標準化的進行式

 

李勤岸

 

最近台語文書寫的問題演變成激情的衝突事件,顯然咱的社會對進行中的母語教育以及台語文學的標準化真無了解。批評者恐驚是猶一直停留佇一、二十冬前的時空背景,用彼的背景來批評現況,確實有影是時空錯亂。這嘛證明真濟人干焦有法度活佇伊的舊時代,無願意面對新時代。

 

母語教育自從2001年開始實施到今,雖然猶有真濟問題需要解決,不過,已經行向語言教育的標準化是鐵的事實。這嘛符合世界的潮流,符合聯合國教科文組織對母語教育以及母語保存的呼籲。教育部實施母語教育,舉辦台灣閩南語認證考試,頒發本土母語貢獻獎,製定二月二一為台灣母語日,辦理台語閩客語文學創作比賽,佇各縣市安排國校母語日訪視…。

 

 

 

雖然最近教育部有一寡作為是倒退、不智的,譬如共實施多年的「台灣閩南語」的「台灣」兩字硬提掉,引起真濟人抗議、不滿。但是教育部的本土母語教育成就是有目共賭的。自從2006年10月整合成功的拼音文字「台羅拼音」,又接紲整合漢字,分批公告常用台語漢字700字詞,並且編輯一萬字詞以上的「台灣閩南語常用詞辭典」,供各界線頂查詢。到這個坎站猶閣講台語無標準化,袂當做母語教育,袂當寫台語文學,若毋是無知,就是「睜眼瞎說」!

 

 

 

咱閣看台語文學的創作,自從2007年開始,每年我主編出版的「台語文學年度選」攏是厚厚一大本,每年台語文學界出版的詩集、散文集、小說集嘛是攏質量相當可觀,這攏是國立台灣文學館每年的年鑑內底看會著的。目前猶當咧出版的台語文學刊物有《海翁台語文學》月刊、《台文通訊》月刊、《台文罔報》月刊、《台文戰線》季刊、《首都詩報》雙月刊…等。遮的刊物絕多數攏使用台羅拼音以及教育部的推薦漢字。請目睭擘予金,小看覓咧,台語文學的創作性命遮爾旺盛,毋通共別人的拍拚攏看做白工。

 

 

 

請毋通繼續使用過去式來看待現在進行式的台語文學 ;

 

 

 

拜託,請好禮仔看待現在進行式的台語文學,請用疼心看待未來式的台語文學!

Comments (0)

You don't have permission to comment on this page.